ایرانی پاسدارانِ انقلاب کے سینیئر کمانڈر علی موسوی ہلاک ہوگئے۔
ایرانی پاسدارانِ انقلاب کے سیستان بلوچستان صوبے کے کمانڈر علی موسوی کو ایران کے شہر زاہدان میں گولی مار کر ہلاک کر دیا گیا ہے۔
ایرانی سرکاری میڈیا رپورٹس کے مطابق علی موسوی جمعے کو زاہدان شہر میں حکومت مخالف مسلح افراد سے جھڑپوں کے دوران سینے میں گولی لگنے سے ہلاک ہوگئے۔
قبل ازیں جمعہ کو سرکاری میڈیا نے اطلاع دی تھی کہ مسلح افراد نے زاہدان میں ایک پولیس اسٹیشن پر فائرنگ کی۔
پاسداران انقلاب سے متصل تسنیم نیوز نے علی موسوی کی ہلاکت کی تصدیق کی ہے۔
خیال رہے کہ ایران میں پولیس کی زیرحراست مہسا امینی دل کا دورہ پڑنے سے 16ستمبر کو انتقال کرگئی تھیں۔ 22 سالہ مہسا امینی کو تہران میں اسکارف نہ پہننے پر حراست میں لیا گیا تھا۔
مہسا امینی کی زیرحراست ہلاکت کے خلاف ایران میں 14 روز سے مظاہرے جاری ہیں جس میں تقریباً 76 افراد ہلاک اور سیکڑوں افراد زخمی ہوگئے ہیں۔
