گدار سوتکال ءَ سرا چمشانکے
نبشتہ کار : ڈاکٹر اسلم دوستینؔ
چمشانک : قدیر کلانچی
چو کہ منی دیریگیں واھگے بیتگ کہ من ڈاکٹر اسلم دوستین ءِ گدار ،،سوتکال،، ءَ بوان آں چیا کہ سوتکال ءِ سک باز توسیف بیتگ۔ بلے وائے بدبھتی دست نہ کپتگ بزاں ،،سوتکال،، ءِ دومی چاپ دسمبر 2021 ءَ بیتگ کتاب ھم ءَ وھد ءَ نیادی ءَ اتکگ ءُ ھما دمان ءَ ھلاس بیتگ من پشت کپتگ آں۔
رندا من کجا کجا شوھاز نہ کتگ اے سنگت ءَ جست بِہ کن آ، سنگت ءَ بِہ گِر آئی ءِ منتوار بی کتابجاھاں بُرو ءُ بِہ پٹّے بلے ھچ پہ ھچ گڑا یکروچے ڈاکٹر من میسج کُت ءُ جست کُت ڈاکٹر ءَ گشت پِلاں وھد ءَ بْیا من ھم ھما وھد کُت ءُ شت آں ڈاکٹر ءَ کتاب من ءَ سوگات کُت من اتکاں لوگ ءَ کتاب دست ءَ کُت پہ وانگ ءَ ۔
گدار 128 تاکدیم ات ءُ گدار ءِ سرا ڈاکٹر ناگمان ءُ منیر مومن ءِ چمشانک مان ات انت ۔ لھتیں گپ ڈاکٹر ءَ ھم جتگ اَت
ناگمان ءِ چمشانک ونت ناگمان گشگ ءَ اِنت شُمارمراد بات ،،بلوچی ءِ شرتریں ناول،،
من کتاب ونت کتاب من ءَ انچو وش بئیگ ءَ اَت گش ئے کتاب ھلاس مہ بوتین بلے چو کہ ھما کتاب یا چیز کہ مردم ءَ وش بِہ بیت آ دمان ءَ ھلاس بیت۔
اے گدار ءِ وانگ ءَ مردم آزاتی ھم مارایت گش ئے وتی میتگ ءَ یاں وتی کستر ءُ مستر وت آں ھرچی کن آں کس ءَ کار نیست آزات آں۔
اے گدار ءِ مستریں کارست گلامک انت آ چُناھا ءَ یک شْوانگے سھب ءَ رؤت پسانی چارینگ ءَ، ءُ شپ ءَ واتر کئیت
یکروچے گلامک ءِ سواس سدانت گلامک وتی پیرک ءَ گشیت کہ منی سواس سستگ انت پہ من سواس بُہ گوپ پیرک رد دنتے گش ایت شپ ءَ گوپاں بلے نہ گوپ ایت گُڑا سھب ءَ گلام پیرک ءَ جست کنت پیرک منی سواس ؟ پیرک گش اڑے من وَ شمشتگ آں تو چوں کن تو انی برو رمگ ءَ ھمودا کور ءَ ،،ناکام،، نامیں مردے کئیت من گشتگ پتو سواس گوپیت ۔گلامک ھمے ناکام ءِ امیت ءَ رؤت ھودا نندیت ءُ چارایت نندیت چارایت بلے ،،ناکام،، نئیت گلامک ءِ پاداں تْرامبل دراتکگ شپادی ءَ پسانی نپری وش انت ؟ گلامک لاچار بیت ءُ وت شرو بیت سواسانی گوپگ ءَ چو سواس گوپگ چارتگے گوں داں تیاراش کنت۔ ،،اِدا مردم ءَ اے سکین ءَ دنت کہ کسی چمدار مہ بی وتی کمک ءَ وت بِہ کن ھرچ وڑیں مشکلے ترا گیپت وتے آسان کن ۔ ڈاکٹر ءِ کتاب ءِ تھا بازیں سَبّکے رسیت سوتکال ءِ سرا یک بلائیں ڈُکالے کپ ایت مردمانی پس مِرگی بنت ءُ نزور ترانت
گلامک شھر ءَ روت مُساپری ھم کنت۔
۔،،ڈاکٹر اسلم دوستین ءِ گدار کسہ ءِ تہ ءَ کسہے درگیجیت ھر تاکدیم گوں کسہے ءَ بندوک انت ھرچ تاک ءِ لیٹینگ ءَ ترا کسہ یے دست کپ ایت۔ من ءَ اے کتاب ءَ سک وتی نیمگہ بُرت کہ منءَ الّم بوان گش ئے گدار ءِ کارست من اِتاں ھرچ جاگہ ءَ گون اِتاں ۔
ڈاکٹر ناگمان ءِ گپ سد درسد راست اَنت اے گپ ءِ تہ ءَ ھچ شک نیست کہ بلوچی ءِ شرتریں ناول شمارا مراد بات ۔ من ھم گش آں بلوچی ءِ شرتریں ناول سوتکال اگاں کسے ءَ نہ ونتہ الّم بوان اِت یے۔
