23

بلوچستان اکیڈمی ءِچیرستیءَ لبزانکی ماہینی دیوان بلوچستان اکیڈمیءِ سرکماش ڈاکٹر غفورشادءِ پاگواجھیءَ برجم دارگ بوت

تربت(گدروشیا پوائنٹ)بلوچستان اکیڈمی چیرستیءَ لبزانکی ماہینی دیوان بلوچستان اکیڈمیءِ سرکماش ڈاکٹر غفورشادءِ پاگواجھیءَ برجم دارگ بوت. دیوانءَ جارچینیءِ ڈُبہ اکیڈمی کارگشاد واجہ شگراللہ یوسفءَ وتی کوپگاں زرتگ ات۔
دءوانءَ نامداریں لبزانت ءُ نبشتہ کارانی ھوریءَ زبان دوستاں بھر زرتگ ات.
دیوان دوبھرانی تھا ات اولی بھر ردانکی ات ءُ دومی شعرءُ شاعری ات.
ردانکی بھرءِ تھا نصرت عزیزءَ وتی آزمانک من یکے نھاں،عمران حاصل ءَ وتی نبشتانک ملک میران کجا رپت ئے؟ واجہ غنی پروازءَ وتی آزمانک وتاپجاہ بیار ونت انت ءُ دیوانءَ دادگپت.
دومی بھرشعری ات کہ ایشیءِ تھا نامداریں شاعر استاد عارف عزیز،ڈاکٹر غفورشاد،ڈاکٹر محسن بالاچ،عزیز حاصل،نبی بخش لال،چاکرسمیر،حمل امینءَ وتی شعر ونت انت۔
اے ردءَ نامداریں لبزانکی نبشتہ کارءُ پولکار واجہ یوسف عزیز گچکیءَ بلوچی زبانءِ نامداریں آشوبی شاعر ءُ نبشتہ کار واجہ گل خان نصیرءِ ودی بوتنءل روچءِ درگتءَ آئیءِ شعر ونت انت ءُ چہ دیوانءَ دادگپت.
دیوانءَ نامداریں شاعرءُ نبشتہ کارءُ زبان دوستانی مزنیں کچےءَ بھر زرتگ ات ءُ دیوان سوبمند کت.
بلوچستان اکیڈمیءِ دیمءِ ماہءِ لبزانکی دیوان ماہءِ اولی یک شمبےءَ برجم دارگ بیت.

اس خبر پر اپنی رائے کا اظہار کریں

اپنا تبصرہ بھیجیں