2

اسلام آباد (گدروشیا پوائنٹ): ای سی او اجلاس، پاکستان اور قطر کی ایران کشیدگی کے خاتمے کیلئے ثالثی کی حمایت

اسلام آباد میں منعقدہ اقتصادی تعاون تنظیم (ای سی او) کے 30ویں وزارتی اجلاس کے اختتام پر ‘اسلام آباد اعلامیہ’ جاری کر دیا گیا ہے۔ اجلاس میں شریک رکن ممالک نے علاقائی روابط، معاشی استحکام اور باہمی تجارت کے فروغ پر اتفاق کرتے ہوئے خطے میں امن و امان کی صورتحال پر گہری تشویش کا اظہار کیا۔

اعلامیے میں پاکستان اور قطر کی جانب سے ایران اور خطے کے دیگر ممالک کے مابین جاری کشیدگی کو ختم کرنے کے لیے کی جانے والی ثالثی کوششوں کی بھرپور حمایت کی گئی ہے۔ رکن ممالک نے اس بات پر زور دیا کہ خطے میں پائیدار ترقی کے لیے سفارتی ذرائع سے تنازعات کا حل ناگزیر ہے، تاکہ معاشی سرگرمیوں کو بلا تعطل جاری رکھا جا سکے۔

اجلاس کے دوران رکن ممالک نے توانائی، ٹرانسپورٹ اور انفراسٹرکچر کے شعبوں میں تعاون بڑھانے کے عزم کا اعادہ کیا۔ پاکستان نے اس موقع پر علاقائی انضمام کے لیے اپنی مکمل حمایت کا یقین دلایا اور کہا کہ ای سی او کا پلیٹ فارم رکن ممالک کے درمیان معاشی خوشحالی کے لیے ایک کلیدی کردار ادا کر سکتا ہے۔

اس خبر پر اپنی رائے کا اظہار کریں