1

کراچی (گدروشیا پوائنٹ) معروف اداکارہ عائشہ نور نے اسلام کی خاطر شوبز انڈسٹری کو خیرباد کہہ دیا

پاکستان شوبز انڈسٹری کی ابھرتی ہوئی اداکارہ عائشہ نور نے ایک اہم فیصلے کے تحت اداکاری کی دنیا کو ہمیشہ کے لیے خیرباد کہہ دیا ہے۔ اداکارہ نے اپنے اس فیصلے کی وجہ مذہب سے لگاؤ اور اسلام کی تعلیمات کے مطابق زندگی گزارنے کی خواہش کو قرار دیا ہے۔ ان کے اس اچانک فیصلے نے مداحوں اور شوبز حلقوں میں حیرت کے ساتھ ساتھ بحث کو بھی جنم دیا ہے۔

شوبز انڈسٹری سے کنارہ کشی اختیار کرنے کے بعد عائشہ نور نے اپنی توجہ مکمل طور پر کاروبار کی طرف مرکوز کر لی ہے۔ وہ اب اپنی ذاتی ٹریول ایجنسی کامیابی سے چلا رہی ہیں، جس کے ذریعے نہ صرف وہ خود ایک باوقار زندگی گزار رہی ہیں بلکہ دیگر افراد کو بھی روزگار کے مواقع فراہم کر کے معاشی استحکام میں اپنا کردار ادا کر رہی ہیں۔

اداکارہ کے قریبی ذرائع کا کہنا ہے کہ وہ اپنے نئے سفر سے انتہائی مطمئن ہیں اور اب اپنی زندگی کو اسلامی اصولوں کے مطابق ڈھالنے کے لیے پرعزم ہیں۔ عائشہ نور کا یہ اقدام ان فنکاروں کی فہرست میں ایک اور اضافہ ہے جنہوں نے اپنے کیریئر کے عروج پر مذہبی وجوہات کی بنا پر شوبز کو الوداع کہا ہے۔

اس خبر پر اپنی رائے کا اظہار کریں