1

اسلام آباد (گدروشیا پوائنٹ): پولیس لائنز کی سرکاری رہائش گاہ سے 13 سالہ گھریلو ملازمہ کی لاش برآمد

اسلام آباد کے علاقے پولیس لائنز میں واقع ایک سرکاری رہائش گاہ سے 13 سالہ کمسن گھریلو ملازمہ کی لاش برآمد ہوئی ہے، جس نے علاقے میں سنسنی پھیلا دی ہے۔ پولیس ذرائع کے مطابق واقعے کی اطلاع ملتے ہی قانون نافذ کرنے والے ادارے فوری طور پر جائے وقوعہ پر پہنچ گئے اور لاش کو اپنی تحویل میں لے لیا۔

ابتدائی تحقیقات کے مطابق متوفیہ کمسن بچی مذکورہ سرکاری رہائش گاہ پر ملازمہ کے طور پر کام کرتی تھی۔ پولیس نے لاش کو ضابطے کی کارروائی اور پوسٹ مارٹم کے لیے ہسپتال منتقل کر دیا ہے۔ حکام کا کہنا ہے کہ موت کی اصل وجوہات کا تعین پوسٹ مارٹم رپورٹ آنے کے بعد ہی ممکن ہو سکے گا۔

پولیس حکام نے مزید بتایا کہ واقعے کی تمام پہلوؤں سے تحقیقات کی جا رہی ہیں اور پوسٹ مارٹم رپورٹ کی روشنی میں ہی مزید قانونی کارروائی عمل میں لائی جائے گی۔ تاحال اس حوالے سے کسی گرفتاری یا واقعے کی نوعیت کے بارے میں حتمی تفصیلات جاری نہیں کی گئی ہیں۔

اس خبر پر اپنی رائے کا اظہار کریں