1

غزہ (گدروشیا پوائنٹ): الخدمت فاؤنڈیشن کی جانب سے سیلاب متاثرین میں ونٹر پیکج کی تقسیم کا آغاز

غزہ میں جاری حالیہ شدید بارشوں اور سیلابی صورتحال کے پیش نظر الخدمت فاؤنڈیشن نے متاثرہ خاندانوں کی مدد کے لیے امدادی سرگرمیوں کا آغاز کر دیا ہے۔ تنظیم کی جانب سے بے گھر ہونے والے ہزاروں خاندانوں میں ونٹر پیکجز تقسیم کیے جا رہے ہیں تاکہ انہیں سردی کی شدت اور موسمیاتی مشکلات سے محفوظ رکھا جا سکے۔

رپورٹس کے مطابق غزہ میں حالیہ طوفانی بارشوں اور سیلاب کے باعث تقریباً 26 ہزار خاندان بے گھر ہو چکے ہیں، جنہیں خوراک، گرم کپڑوں اور خیموں کی اشد ضرورت ہے۔ الخدمت فاؤنڈیشن کے رضاکاروں نے مشکل حالات کے باوجود متاثرہ علاقوں تک رسائی حاصل کی ہے اور امدادی سامان کی فراہمی کو یقینی بنایا ہے۔

تنظیم کے ترجمان کا کہنا ہے کہ غزہ کے عوام اس وقت تاریخ کے بدترین انسانی بحران سے گزر رہے ہیں، اور یہ ونٹر پیکجز اسی سلسلے کی ایک کڑی ہیں۔ الخدمت فاؤنڈیشن نے مخیر حضرات سے اپیل کی ہے کہ وہ اس مشکل گھڑی میں فلسطینی بھائیوں کی بھرپور معاونت کے لیے آگے آئیں تاکہ انسانی جانوں کو بچایا جا سکے۔

اس خبر پر اپنی رائے کا اظہار کریں