1

لاہور (گدروشیا پوائنٹ): رائیونڈ تبلیغی اجتماع کا اختتام، لاکھوں مسلمانوں کی شرکت اور رقت آمیز دعا میں پنجاب حکومت کے ہیلتھ کیمپ فعال رہے

لاہور کے علاقے رائیونڈ میں سالانہ تبلیغی اجتماع اختتام پذیر ہو گیا ہے، جس میں ملک بھر اور دنیا کے مختلف حصوں سے لاکھوں فرزندانِ توحید نے شرکت کی۔ اجتماع کے آخری روز اختتامی دعا کے دوران شرکاء کی کثیر تعداد موجود تھی، جہاں رقت آمیز مناظر دیکھنے میں آئے اور شرکاء نے عاجزی و انکساری کے ساتھ بارگاہِ الٰہی میں گناہوں کی معافی اور ملک و ملت کی سلامتی کے لیے دعائیں مانگیں۔

اس اجتماع کے دوران شرکاء کو طبی سہولیات فراہم کرنے کے لیے محکمہ صحت پنجاب کی جانب سے خصوصی انتظامات کیے گئے تھے۔ اجتماع گاہ کے احاطے میں متعدد مفت ہیلتھ کیمپس لگائے گئے تھے جہاں ماہر ڈاکٹرز، پیرا میڈیکل اسٹاف اور ادویات کی ٹیمیں چوبیس گھنٹے فرائض سرانجام دیتی رہیں۔ ان کیمپوں میں ہزاروں افراد کا طبی معائنہ کیا گیا اور انہیں ضروری ادویات فراہم کی گئیں۔

تبلیغی اجتماع کے منتظمین اور حکومتی اداروں کے مابین بہترین رابطہ کاری کے باعث اجتماع کا اختتام پرامن طریقے سے ہوا۔ سیاسی و مذہبی حلقوں نے ضلعی انتظامیہ اور محکمہ صحت پنجاب کی جانب سے کی جانے والی طبی و حفاظتی انتظامات کی تحسین کی ہے، جو کہ اتنے بڑے اجتماع کے نظم و نسق کو بہتر رکھنے میں معاون ثابت ہوئے۔

اس خبر پر اپنی رائے کا اظہار کریں