1

کوئٹہ (گدروشیا پوائنٹ): بنگلہ دیشی وکٹ کیپر لٹن داس نے ٹیسٹ کرکٹ کی تاریخ میں نیا عالمی ریکارڈ قائم کر دیا

بنگلہ دیش کے وکٹ کیپر بیٹر لٹن داس نے جنوبی افریقا کے خلاف جوہانسبرگ ٹیسٹ میں شاندار کارکردگی کا مظاہرہ کرتے ہوئے ٹیسٹ کرکٹ کی تاریخ میں ایک اننگز میں سب سے زیادہ 8 کھلاڑیوں کو آؤٹ کرنے کا نیا عالمی ریکارڈ قائم کر دیا ہے۔ لٹن داس نے میچ کے چوتھے روز کاگیسو ربادا کو اسٹمپ آؤٹ کر کے یہ منفرد اعزاز اپنے نام کیا۔

اس سے قبل ایک ٹیسٹ اننگز میں 7 کھلاڑیوں کو آؤٹ کرنے کا ریکارڈ وسیم باری، باب ٹیلر، ایان اسمتھ، رڈلی جیکبز اور جوشوا ڈی سلوا کے پاس مشترکہ طور پر موجود تھا۔ لٹن داس نے نہ صرف وکٹوں کے پیچھے اپنی مہارت کا لوہا منوایا بلکہ میچ کی پہلی اننگز میں 120 رنز کی شاندار سنچری بھی اسکور کی، جس کے بعد وہ ایک ہی ٹیسٹ میچ میں سنچری بنانے اور 8 شکار کرنے والے پہلے وکٹ کیپر بن گئے ہیں۔

لٹن داس نے میچ کے دوران مجموعی طور پر 6 کیچز پکڑے اور 2 کھلاڑیوں کو اسٹمپ آؤٹ کیا۔ ان کی اس تاریخی کارکردگی کو کرکٹ کے حلقوں میں بے حد سراہا جا رہا ہے، کیونکہ اس سے قبل ڈینس لنڈسے اور اے بی ڈی ویلیئرز جیسے عظیم کھلاڑی بھی جوہانسبرگ میں سنچری کے ساتھ ایک اننگز میں 6 شکار تک ہی محدود رہے تھے۔

اس خبر پر اپنی رائے کا اظہار کریں